Белхи

img_0956
img_0984
img_0972
Фото: newargun.ru

Аргун-шахьаран бахархойн дика ламаст хилла д1ах1оьттина шайн кешнашкахь ц1ано латтор. Цунна  «бехкениг» юьртда Темирбаев Ибрах1им ву. И Дела реза хир волу г1уллакх масех шо хьалха дуьххьара юкъадаьккхинарг иза ву. Ибрах1иман кхайкхамца х1ора шарахь шозза-кхузза юьртан белхи вовшах а тухий Аргун-г1алахь долчу шина кешнашкахь ц1ано ю юьртахоша, г1алин предприятийн, организацийн, учрежденийн  белхахоша.

Иштта хилира 2-чу майхь а. Юьртдас Темирбаев Ибрах1има а, къеда волчу Доскаев Юнус-хьаьжас а бинчу кхайкхамца инзаре боккха белхи вовшахкхеттера Аргун-шахьрахь Шоссейни урамца долчу кешнашкахь. 100 сов стаг вара и мелехь болу болх беш: бензина т1ехь болх бечу мангалшца буц хьокхуш, кешнийн баьрзнаш ц1андеш, мангалхошна т1аьхьара буц  шаданашца, к1омсаршца оьланашка т1егулъеш, цул т1аьхьа иза тракторшна т1аьхьатесначу лафеташ т1е а юттуш нехаш д1акхуьссучу полигоне д1айохуьйтуш.

Белхех баьхкинчарна юкъахь доггаха къахьегарца къаьсташ бара ПУЖКХ-н, финансийн урхаллин, больницан, берийн бошмийн урхаллин, пенсионни урхаллин, электроз1енан декъан белхахой.

Белхех баьхкинчарна саг1ийна юург-мерг яхьаш еъанера Аргун-г1алара совдегар Солтаева Жанета Асламбековна.

Де дохдаллац болх а бина, бисинарг кхана чекхбаккха сацам бира белхех баьхкинчара.

— Х1окху кешнашкахь ц1ано яр кхана чекхдоккхур ду вай. 1уьйранна 7 сахьт долуш, дешиэлах д1адуьйлалур ду вай, Дала оцу хене дахахь, — аьлла белхех баьхкинчарна доггах баркалла а олуш, вистхилира г1алин Мэран хьалхара заместитель Дудаев Сайд-Хьамзат.

А. ТАЗБИЕВ

 
По теме
Террористы из "Крокус Сити Холла" могли быть под действием психотропных веществ - ИА Грозный-информ Правоохранители не исключают, что совершившие теракт в "Крокус сити холле" находились под действием психотропных веществ, проводятся необходимые экспертизы, сообщил РИА Новости источник в правоохранительных органах.
ИА Грозный-информ
Алимхан Ихаев назначен главным внештатным специалистом по скорой медицинской помощи СКФО - ИА Грозный-информ Министр здравоохранения Чеченской Республики Адам Алханов провел рабочую встречу с главным врачом Республиканской станции скорой медицинской помощи Алимханом Ихаевым.
ИА Грозный-информ
В городе Аргун планируется создание школы креативных индустрий - ИА Грозный-информ В Министерстве культуры ЧР состоялось совещание в режиме видеоконференции по вопросу реализации «дорожной карты» - создания в регионах России школ креативных индустрий в 2024 году в рамках федерального проекта «Придумано
ИА Грозный-информ
Кафедра "Технология строительного производства" ИСАиД ГГНТУ провела научный семинар на тему:  "Материалы и технологии для ремонта, восстановления и реставрации объектов культурного наследия"  в рамках Года истории,
ГГНТУ